बुटवल, माघ २० । 
वीरगाथा बचत तथा ऋण  सहकारी संस्था लि। बुटवल,रुपन्देहीले आफ्नो कार्यसमिति,उपसमितिका सदस्यहरुका लागि सहकारी सञ्चालन र व्यवस्थापन सम्बन्धि एक दिवसीय सहकारी तालिम शुक्रबार बुटवलमा सम्पन्न गरेको छ । 
तालिममा सहकारी स्थापनाका उद्देश्य,वर्तमान गतिविधि र भविष्यमा उत्कृष्ट एवम् नमूना सहकारी बनाउनका निम्ति आवश्यक सञ्चालन तथा व्यवस्थापनका सन्दर्भमा सहकारी अभियन्ता दलबहादुर गुरुङले सहजीकरण गरेका थिए । साथै उद्यमशीलता, लघु(उद्यम सञ्चालन र सदस्यता अभिवृद्धिका निम्ति अपनाउनु पर्ने १२ पाईलाका बारेमा समेत गुरुङले प्रष्ट्याएका थिए । 
उक्त तालिममा संस्थाका ज्येष्ठ सदस्य एवम् लेखक जंगबहादुर शाहको विशेष उपस्थिति रहेको थियो ।  तालिमले सहकारीलाई अघि बढाउन सहज हुने र यस्ताखाले नियमित तालिमले सञ्चालक र सदस्यहरुलाई फाईदा पुग्ने लेखक शाहले बताए । सहभागीहरुका तर्फबाट शान्ति थापा र भद्रबहादुर थापाले आफ्ना अनुभव व्यक्त गरेका थिए ।  तालिममा संस्थाका उपाध्यक्ष गीतारानी बलालमगरको स्वागत, सचिव मनमाया थापाको सञ्चालन र अध्यक्ष राजबहादुर थापाको अध्यक्षता रहेको थियो ।