काठमाडौँ - ‘द भ्वइस अफ नेपाल सिजन–३’ को टप फोर प्रतिष्पर्धी गायक ज्वाला राईले आफ्नो बिल्कुलै नयाँ  सांगीतिक सौगात माया जाल सार्वजनिक गरेका छन् । प्रेमिल शैलीको यस गीतमा मिलन किराँतीको शब्द रहेको छ भने बिक्रम राईको संगीत रहेको छ ।

देबेश राईले यस गीतलाई संगीत संयोजन गरेका हुन्। लुटपाटको घटनालाई आधार बनाएर तयार पारिएको म्युजिक भिडियोको कथामा गायक राई खलनायक चरित्रका रुपमा प्रस्तुत भएका छन् । 

भिडियोमा मानषी तामाङ र गायक राई बिचको अनस्क्रिन प्रेम र रोमान्स समेत प्रस्तुत गरिएको छ । भिडियोमा फराज अर्पणको डिओपी र बिशाल थापाको छायाँकन रहेको छ । गायक राईको कन्सेप्ट, सम्पादन र निर्देशनमा भिडियो तयार पारिएको हो । भिडियो गायक राईको युट्युव च्यानल ’ज्वाला राई’ मार्फत सार्वजनिक भएको हो । यसअघि गायक राईको स्वरमा ’शितल शितल’, ’दौरा भन्दा खल्ती लामो’, ’तिमी फुल’ लगायत म्युजिक भिडियोहरु सार्वजनिक भैसकेका छन् ।