नेता पुष्पलालकी सुपुत्री उषा,
साहित्यकार उषा   ( उषा सेरचन ) ,
मेरी प्रिय छात्रा उषा   ,
अन्धकार चिरेर आउने  उषा -
सबै त छन् यतै कतै
कोही ग़ायब त छैनन् ।

तर —
यति कालो भ्रष्टाचार चिरेर 
रक्तिम प्रकाश छर्ने उषा-किरण
कहाँ गायब छन् ख्वै  ? 
समग्र अत्याचारमा आगो लगाउन 
उनको उत्तप्त प्रकाशबाट सिर्जित -
दाबानल चाहिएको छ 
एक सशक्त दाबानल -

दुराचारीहरूको आहाल बनेर आऊ उषा !
अर्को जनक्रान्तिको आँधी लिएर  !
आज तिम्रो आबश्यकता खट्किरहेछ , 
आऊ रुद्र-चण्डी बनेर , महाँकाली बनेर
 बिरांगना लक्ष्मी बाईको अबतार लिएर  !